شنكول احنة من تجي الوطنية..... هاي اذا جتي

^%السلام عليكم %^
هاي من تجي الكهرباء بالبيت شنكوم نضرب اشعار وقصائد خلينا نسمع...
هلة وميت هلة بجيتج يالوطنية
نورتي الدنيا كلها يا احلى هدية
اركض للجنج اوفر احول واني فرحان والابتسامة على الاهل مو طبيعية
اشتغلت الثلاجة واجهزة التبريد وخطارنة نشنش على بخيخ المروحية
واستقر نظام البيت وقلت افكارة وانكلب من حر البرد حالتة الجوية
والهوسة راحت وبدت مرحلة جديدة وسكتت ونامت الاطفال من سودة علية
اجتي بتلاثة يعني بالستة تطفى والله بيها نومة معدلة وعراقية
حطيت راسي على المخدة وتمددت بطولي ونومتي مخربطة وعشوائية
يمكن ساعة اقل مدري اكثر اخخخخخ شو هاي انطفت الوطنية
الحكومة علست علينة ساعتين وصار سنين محد مات بالصعقة الكهربائية
يابة وينة نفطنة رجعت لسالفتي القديمة وين احزابنا وبرامجهم الانتخابية
مو شبعنة جذب وهمبلة وكلاوات دنتخبوني والله لا اسوي العراق مزهرية
تهنة وتاهت وضاعت علينة نلتفت للكهرباء لو للمصالحة الوطنية
ـــــــــــــــــــــــــــــــــــــــــ
اتمنى عجبتكم القصيدة
__________________